O Peirao

Ola a todos e todas e benvidos a esta viaxe sen rumbo que ten como punto de saída o peirao. O lugar de onde saen moitos barcos e onde chegan outros. Onde se xunta a terra co mar, os redeiros coas mariñeiras, o ceo e o mar, as gaivotas e as fanecas e onde se xunta todas as historias que non se sabe moi ben xa de onde veñen, porque se mixturan co que hai en terra.

Chegan de lugares lonxanos, moitas veces fan miles de quilómetros e pasan por selvas, desertos bosques ata chegar o mar e logo viaxan en barco ate chegar o noso peirao. Arrandeadas polas ondas e molladas pola salitre. Refrescadas polo vento e como un sopro de aire fresco chegan os noso oídos, pero para iso hai que telos ben abertos así que imos limpar ben as orellas.